ថ្ងៃទី២៦ ខែមិថុនា ឆ្នាំ២០២៥ ឯកឧត្តម អាយ ខន អនុប្រធានគណៈកម្មការទី៦ព្រឹទ្ធសភា និងជាសមាជិកក្រុមសមាជិកព្រឹទ្ធសភាប្រចាំភូមិភាគទី៧ និងអមដំណើរដោយសមាជិកក្រុមប្រឹក្សាខេត្តកោះកុង បានអញ្ជើញចុះជួបសំណេះសំណាលសួរសុខទុក្ខ ជាមួយគណៈបញ្ជាការតំបន់ប្រតិបត្តិការ សឹករងកោះកុង រួមមាន៖ ស្នងការនគរបាលខេត្ត វរសេនាតូចលេខ៣៣៧ ផ្នែកសឹករងមណ្ឌលសីមា វរសេនាតូចការពារព្រំដែនគោកលេខ៨២៧ និងបានពាំនាំការផ្តាំផ្ញើសួរសុខទុក្ខពីសម្តេចអគ្គមហាសេនាបតីតេជោ ប្រធានព្រឹទ្ធសភា ព្រមទាំងបានជម្រាបជូនអំពីសមិទ្ធិផលការងារបស់ព្រឹទ្ធសភាពីដើមនីតិកាល រហូតដល់បច្ចុប្បន្ន ដោយមានការលើកទឹកចិត្តកងកំលាំងការពារតាមបណ្តោយព្រំដែនកម្ពុជា-ថៃ និងបានឧបត្ថម្ភជាថវិកាចំនួន១០លានរៀល ដល់អង្គភាពទាំង៥ ក្នុងមួយអង្គភាពទទួលបានចំនួន២លានរៀលផងដែរ ដែលស្ថិតនៅទីបញ្ជាការដ្ឋានតំបន់ប្រតិបត្តិការសឹករងកោះកុង។
